Gin-engganyo sang isa ka Ilonggo singer kag composer ang kaangay man nga mga kabataan nga indi pagtaguon ang abilidad sa musika agud makahatag man sang inspirasyon sa iban.
Sa interview sang Bombo Radyo kay Joshua Terania, myembro sang Iloilo Champions of Music Network, isa ka rapper, singer, kag songwriter iya ginpahayag nga magluwas nga mapabutyag sang isa ka indibidwal ang kaugalingon pinaagi sa musika, ginahatagan man sini ang kaugalingon sang kahilwayan makabuhi ang iya abilidad.
Suno kay Terania, nga amo man ang nagsulat kag nagkanta sang ambahanon nga ‘Gwapa Rabiya,’ dako nga kalipayan para sa iya ang makapakigbahin sang istorya, inspirasyon kag leksyon pinaagi sa iya mga ginasulat nga rap songs.
Napilian man niya ang genre nga rap bangud magluwas sa idolo niya si Francis Magalona kag Gloc 9, para sa iya mas mapautwas sang isa ka singer ang madalom nga nabatayagan sa pag-rap.
