Nagdepensa si President Ferdinand Marcos Jr. nga wala sang labot sa eleksyon ang iya ginhimo nga pagbisita sa mga lugar nga ginpanglaslasan sang bagyo.
Sa iya latest vlog, gin-mensyonar ni Marcos nga may mga nagamuno sa iya pagkadto sa Naga City nga baluarte sang iya anay kasumpong sa presidential elections sang 2022 nga si former Vice President Leni Robredo.
Suno kay Marcos, didto sa Naga ang Severe Tropical Storm Kristine kag didto may mga nagakinahanglan sang bulig gani didto siya nagkadto.
Yara sa P80-million nga balor sang bulig ang ginhatag sa local government unit sang Naga City kag sa Alabay kasunod sang bagyo Kristine.
Sang nagkadto didto si Marcos, ginpromisa man sini nga magahatag ang gobyerno sang dugang nga medical manpower saBicol Region.
Ginaparepaso man sini Bicol River Basin Development Program (BRBDP) nga proyekto anay sang iya amay nga si anay President Ferdinand Marcos Sr. sang 1973.
