Gindayaw sang lead vocalist sang banda nga Parokya ni Edgar nga si Chito Miranda ang pagtanyag sa ila sang abyan nga si Angel Locsin nga magtinir sa iya nga balay kasunod sang paglupok sang bulkan Taal.
Sa instagram, ginpakigbahin ni Chito ang mensahe sa iya ni Angel sa diin ginpahayag sang aktres nga mahimo makatinir ang singer kag pamilya sini sa iya nga balay bangud may yara sang nakahanda nga kwarto para sa ila.
Tuman naman ang pagpasalamat sang lead vocalist sa maayo nga kabubut-on ni Angel.
Nahibaluan nga indi na bag-o sa publiko ang pagbulig ni Angel sa tion sang kalamidad bangud makapila na ini nga nag-viral sa mga donasyon nga ginahimo sini sa mga biktima sang nakaligad nga mga bagyo, mangin sa gyera sa Marawi kag subong nga krisis sa tunga sang pandemya.
