Ginbuyagyag sang aktres nga si Angel Locsin ang isa ka account sa social media nga lunsay nagapamahog nga patyon sya ang mga posts ini agud tawgon ang atensyon sang National Bureau of Investigation.
Paagi man sa iya social media account, ginpost ni Angel ang screenshot sang mga post sang nasambit nga account.
Magluwas kay Angel, ginpakamalaot man sang nasambit nga page ang iban pa nga mga personalidad kaangay nalang ni Coco Martin, Kim Chui kag Kathryn Bernardo.
Gin-akusaran man sang nasambit nga account si Angel nga katapo sang New People’s Army.
Gilayon naman nga ginpaandaman sang aktres ang iya mga fans nga indi na pag i-follow pa ang nasambit nga page.
