Gin-athag sang Land Transportation Franchising and Regulatory Board nga wala sang prangkisa nga mag-operate ang mga motorcycle taxis sa Region 6.
Sa interview sang Bombo Radyo kay Atty. Salvador Altura, spokesperson sang regional office sang ahensya, iya ginpahayag nga ang may franchise lang nga mag-operate amo ang food delivery riders.
Suno kay Altura, makabig gid nga colorum kag iligal ang operasyon sang mga riders nga nagakarga sang pasahero.
Santo sa Land Transportation and Traffic Code, ang motorsiklo ang wala ginapahunugutan nga magbyahe bilang public transport.
Pahayag ni Altura, kun tugutan gid man ang mga motorsiklo nga magpamasahero, kinahanglan anay nga amyendaran ang layi.
Ini nga isyu sa legalidad sang operasyon sang sini nga mga motorsiklo ang nagtuhaw kasunod sang insidente sang tuyo nga paghimulos sang isa ka rider sa isa ka dalaga nga pasahero niya sa Oton, Iloilo.
Padayon pa nga ginaimbestigaran ang insidente.
