Naglab-ot sa 4.63 million metric tons ang ani sang humay sa una nga quarter sang 2021.
Nalapawan sini sang 9 percent ang rekord sang nagligad nga tuig kag sang 2018.
Suno kay John de Leon, director sang Philippine Rice Research Institute, ang rekord subong nga first quarter sang tuig sa produksyon sang humay ang nagpasangkad pa sang ila kumpyansa nga malab-ot ukon malapawan pa ang 20.4 million nga target production para sa 2021.
Pahayag ni de Leon, ang pagtimbuok sang rice production subong na tuig ang bunga sang leksyon nga ila natun-an sang nagligad nga tuig sa diin naapektuhan ang mga pananom bangud sa mga naglabay nga bagyo.
Bangud sa estable nga supply sang bugas sa pungsod, ginakwestyon man ang motibo sa likod sang pag-apruba ni Presidente Rodrigo Duterte sa pagpanubo sa taripa sang imported rice.
