ILOILO CITY – Mas gindoble pa sang Anilao Secondary Baseball Team ang ila pag-ensayo para sa nagahilapit nga 2023 Palarong Pambansa.
Ang nasambit nga eskwelahan ang nag-represent sa Western Visayas sa National Pre-Qualifying Meet kag isa sa duha ka teams nga maga-represent sang Cluster 3 sa national level.
Sa interview sang Bombo Radyo kay Mark Kynn Aquilesca, coach sang Anilao Secondary Baseball Team, iya ginpahayag nga gina-review sa subong ang mga lapses sa National Pre-Qualifying Meet agud nga indi na masulit sa masunod nga hampang.
Suno sa iya, ginatutukan ang conditioning, mental health kag decision making sang mga kabataan.
Dugang pa niya, balantayan ang determinasyon sang mga kabataan nga madala pauli ang kampyeonato.
Nagpasalamat man ini sa mga local officials sang Anilao, sa mga ginikanan sang kabataan, sa mga manunudlo, kag sa tanan nga Anilaonon nga naghatag sang suporta sa grupo.
Ang 2023 Palarong Pambansa ang hiwaton sa Marikina City sa Hulyo 29 tubtob Agosto 5, 2023.
