ILOILO CITY–Trending subong sa social media ang post sang netizen sa diin makit-an ang pagbastos kag pagpanakit sang grupo sang mga hubog nga estudyante sa isa ido.
Sa exclusive interview sang Bombo Radyo kay Churchille Montealto, isa ka vegan, iya ginpahayag nga isa niya ka abyan ang nagpadala sa iya sang nasambit nga video sa diin makit-an ang mga estudyante sang St. Paul University Iloilo nga nagabinastos kag ginasakit ang ido.
Suno kay Montealto, ang eskandaloso nga butang kag pagsakit sa isa ka ido ang na post sa instagram account sang estudyante nga si Alvin Josh Labrador sa diin makit-an ang abyan nga si Raymond Arches nga nagahimo sang binastos nga butang sa nasambit nga ido.
Sa ulihi, ginkuha ni Arxen Sumogat ang ido kag iya ini nga ginhaboy.
Magluwas sa mga hubog nga estudyante, kadam-an sa ila ang nagakinadlaw samtang ginasakit ang ido.
Nagapanawagan man si Montealto sa unibersidad nga disipilanahon ang ila mga estudyante.
Sa subong, plano ni Montealto nga magdangop sa People for the Ethical Treatment of Animals (PETA) agud pasakaan sang kaso ang mga estudyante.
Nahibaluan nga ang ginhimo sang nasambit nga mga estudyante ang paglapas sa Republic Act 8485 ukon Animal Welfare Act.