Preparado na ang Anini-y Municipal Police Station sa Probinsya sang Antique para sa palaabuton nga eleksyon buwas Mayo, 12, 2025.
Sa interview sang Bombo Radyo kay PLt. Vicente Hablado II, Deputy Chief of Police sang Anini-y Municipal Police Station, iya ginpahayag nga preparado na sila kag naka deploy na sila sang mga kapulisan sa nanari-sari nga mga Poll Precinct umpisa pa sang Mayo 7, base sa ila deployment plan.
Dugang pa niya nga very peaceful ang Banwa sang Anini-y subong nga eleksyon kag wala pa man sing may na report nga nag file sang formal complaint nga may kaangtanan sa Vote Buying kag Wala man sing may nagalapas sa liquor ban.
Suno pa sa iya nga bisan gamay nga banwa ang Anini-y, padayun man sa gihapon ang ila ronda para masigurado ang katawhayan nga Eleksyon 2025.
Article: Bombo Joseph Emmanuel
