Nag-abot na sa Vietnam ang pambato sang Pilipinas sa Miss Charm 2023 pageant nga si Annabelle McDonnell.
Suno sa 22-anyos nga beauty queen nga tumandok sang Misamis Oriental, “beyond grateful and excited” siya nga itiglawas ang Pilipinas sa Miss Charm International.
Nag-umpisa naman ang pre-pageant activities lakip na ang official sashing ceremony.
Halin si Annabelle sa pageant camp nga Aces and Queens kag nagtapos nga first runner-up sa Miss Universe Philippines 2022 antes gin-appoint bilang Miss Charm Philippines 2023 sang November 2022.
Patigayunon ang Miss Charm 2023 coronation sa February 16 sa Ho Chi Minh City, Vietnam kun sa diin 40 tanan ka mga matahum nga kandidata halin sa nagkalain-lain nga mga pungsod ang maga-agaway para sa korona.
