ILOILO CITY – Wala gid napunggan kag ginbuyagyag ni Annabelle Rama nga isa ka “Herbert” ang rason kun ngaa nga masako ang iya anak nga si Ruffa Gutierrez sa iya cellphone.
Sa isa ka nooontime show nangin judege ang mga ini upod ang isa pa niya ka anak nga si Richard.
Sang ginpamangkot sang mga hosts si Tita Annabelle kun bala, maayo nga judge si Ruffa sa pageant sang amo nga show, ginpahayag sang celebrity mom nga kun kaisa, daw kaangay nga wala sa kaugalingon si Ruffa.
Sunod naman ini nga ginpamangkot ni Ogie Alcasid kag didto na ginbuyagyag ni Annabelle nga isa ka Herbert ang ka-istorya sang iya anak.
Suno kay Annabelle, mabuot man si Herbert kag sa pagkamatuod, close sila ni Eddie Gutierrez.
Una na nga ginpahayag ni Herbert Bautista nga “serious, but not so serious” ang iya nga love life sa tunga sang pag-link sa iya kay Ruffa.
