ILOILO CITY – Padayon ang annual inspection sang National Police Commission (NAPOLCOM) Region 6 sa tagsa ka mga police station kag mga headquarters.
Sa interview sang Bombo Radyo kay NAPOLCOM-6 Regional Director Atty. Joseph Celis, iya ginpahayag nga pinakaulihi nga napaidalom sa inspection amo ang Iloilo City Police Office (ICPO).
Lakip sa ginahibalo sa inspection amo ang mga service firearms, police vehicles kag ang kahimtangan sang mga police officers.
Ginpahayag ni Celis nga ginahibalo man kun sanday sin-o nga mga police officers ang magaretiro na, kun sanday sin-o ang may mga kaso kag kun ano ang problema sang mga pulis sa ila trabaho.
Nagakinahanglan man suno kay Celis nga ipa-account ang tanan nga issued service firearms kag ang mga police vehicle santo sa mandu sang Commission on Audit (COA).
Samtang, naghatag naman sang komento si Celis tuhoy sa ginapahayag pag-angkon sang mga pulis sang madamu nga pamilya.
Suno kay Celis, indi lamang ang mga lalaki nga pulis ang may yara sang madamu nga pamilya kundi lakip man ang mga babayi nga pulis.
Ginpahayag ni Celis nga ang pagpangirida ukon ang pagpangirido ang makabig nga ‘human nature’ nga mahimo man nga mapunggan.
