Nagpangabay ang Commission on Elections (COMELEC) sa mga kandidato kag supporters nga hugot nga sundon ang pagsulundan sa pagpangampanya sa national kag local elections.
Ini ang isa ka adlaw antes ang campaign period para sa nationally-elected position buwas, Pebrero 8, samtang sa Marso 25 naman maga-umpisa para sa locally-elected positions.
Yari ang kinahanglan nga sundon sang mga nagapadalagan nga kandidato:
- observance sang health protocols (kinahanglan nga ikonsiderar ang alert level status ukon category sang isa ka lugar bag-o magpatigayun sang internal campaign ukon rally).
- wala dapat sang house to house campaigning (kinahanglan man sang permit halin sa COMELEC kun plano nga magsulod sa munisipyo sang isa ka political candidate).
- likawan ang pagpangampanya sa crowded areas ukon magtuga sang mass gathering.
- ginadumili-an ang selfies.
- kun invited nga magsulod sa balay, dapat nga magpamalibad ang kandidato.
-strikto nga gindumili-an ang pagpanghatag sang kwarta bangud ini ang makabig nga vote buying.
-ginadumilian man ang pagpanghatag sang pagkaon ukon ilimnon.
Sa interview sang Bombo Radyo kay Atty. Wilfred Jay Balisado, director sang COMELEC Region 6, iya ginpahayag nga kinahanglan nga masunod kag nahibalu-an sang mga kandidato ang guidelines sang COMELEC sa tion sang kampanya.
Mahimo naman nga ma-deny ukon ma-disapprove ang ila request for future rally ukon campaigning kun malapas ang mga pagsulundan.
