Importante ang Maundy Thursday ukon Huwebes Santo sa Kwaresma.
Sa interview sang Bombo Radyo kay Father Espiridion “Boy” Celis Jr., iya ginpahayag nga ang Huwebes Santo ang isa sa tatlo ka mga importante nga adlaw sa Semana Santa magluwas sa Byernes Santo kag Dominggo sang Pagkabanhaw.
Subong nga Huwebes Santo, nagaselebrar ang simbahan sang pagtukod sang eukaristiya nga amo ang lawas ni Kristo.
Subong man ang adlaw ginhugasan ni Kristo ang mga tiil sang iya mga apostoles.
Suno kay Celis, sa pagpatigayon sang misa, ginahalin ang santisimo ukon ang lawas ni Kristo sa altar of repose agud nga simbahon sang tanan nga mga tumuluo.
Diri man ginapakita ang pagpulaw sang mga tumuluo santu sa ginpahayag ni Kristo sa bibliya.
Ang Huwebes Santo amo ang pagdakop kay Kristo kag pagtugyan ni Hudas sa mga Hudiyo kabaylo sang 30 ka pilak pagkatapos sini nga magpangamuyo sa garden sang Getsemani.
