Ginpatpat sang isa ka legal expert ang kinalain sang qualified theft sa ordinary theft.
May kaangtanan ini sa ginpasaka nga kaso sang aktres nga si Kim Chiu sa utod sini nga si Lakambini Chiu matapos ginaalegar nga nagpangawat ini sang minilyon nga kwarta sa ila nga kumpanya.
Sa interview sang Bombo Radyo kay Atty. Michael Dela Peña, iya ginpahayag nga sa idalom sang Revised Penal Code, matawag nga ordinary theft ang isa ka klase sang pagpangawat kun nagkuha ang isa ka indbidwal sang personal nga bagay kaangay sang kwarta ukon propedad nga wala naggamit sang violence.
Apang kun kun may ara na ini sang bayolente nga pamaagi agud makakuha sang gamit sang isa ka tawo, makabig naman ini nga robbery.
Suno kay Atty. Dela Peña, ang qualified theft naman ang ginapasaka nga kaso sa indibidwal nga ginhatagan sang dako nga salig, apang gin-abuso sini ang trust nga gintugyan sa iya.
Dugang pa niya, masami gid nga family members ang nagapangatubang sang kaangay sini nga kaso bangud sa tuman nga pagsalig sa myembro sang ila pamilya kun sa diin may ara na sang iban nga sitwasyon nga may ara na sang naga-abusar.
Nagpahanumdom man ini nga dapat nakahibalo man ang myembro sang isa ka Negosyo kun ano ang ila responsibilidad kag limitasyon agud malikawan ang kun ano man nga indi pag-intindihanay nga posible pa magpadulong sa korte.
