Nagpanugyan ang isa ka Guidance Counselor sa mga nagakadapat nga himuon sa tion nga may yara sang indi pag-intindihanay sa tunga sang magkasilingan.
Ini ang kaangot man sa natabo nga inaway sa tunga sang duha ka pamilya sa Barangay M.V. Hechanova, Jaro, Iloilo City.
Sa interview sang Bombo Radyo kay Francis Ray Subong, iya ginpahayag nga nagakadapat nga mag-istorya sang kalmado ang mga magkasilingan kun may yara sang indi pag-intindihanay.
Suno kay Subong, nagakadapat nga ipabilin ang respeto agud malikawan ang indi inaway sang magkasilingan.
Apang kun wala sang paghisugot nga nagakatabo, mahimo nga gamiton ang Barangay Justice System.
Gamhanan ang Barangay Justice System sa diin ang mga kasugtanan sa Barangay ukon Amicable Selttlement ukon Arbitration Award ang may epekto sa desisyon sang korte.
Buot silingon, obligasyon sang kontra nga sundon ang nasaad diri.
Ang mga requirements amo ang mga masunod:
Pareho nga indibidwal (indi agency ukon kumpaniya ang kaaway);
Residente sang kaangay nga city ukon municipality; kag
Ang rason sang away ang sulod sa jurisdiction sang barangay.
Sa pangkabug-usan – sakop ang tanan nga dispute sa jurisdiction sang barangay justice.
