Masami bala nga nagasakit ang imo ulo?
Apang kabalo ka bala kun ini isa lang ka simple nga headache ukon ini ang isa na ka Migraine.
Gin-athag ni Dr. Julette Marie Batara isa ka neurologist sa St. Luke’s medical center ang kinalain sang headache kag migraine.
Suno kay Batara migraine ini kun mabatyagan mo nga naga pitik ang ugat sa sulod sang imo ulo.
Dugang sang natungdan lain ini sa normal nga headache kun sa diin nagabug-at ang ulo sang pasyente.
May yara pa sang iban nga sintomas ang migraine nga indi mo makita ukon mabatyagan sa isa ka normal nga headache kaangay sang pagkalingin sang ulo,photophobia ukon ang paglikaw sa suga.
Suno sa iya, lain ang migraine sa normal nga sakit sang ulo bangud episodic ini ukon mabatyagan mo sang pila ka beses sa isa ka tion.
May yara sang twice a year kag twice a week kag ang pinakamalala amo nga kun ini ang adlaw-adlaw mo nga mabatyagan.
Nagpanugyan si Batara nga kun adlaw-adlaw kag indi mo na maagwantahan ang kasakit, mas maayo kun magkadto ka sa imo nga doktor agud ma resetahan ka sang naga kaigo nga bulong.
