Anom ang pilason matapos nakabunggo ang isa ka depampasahero nga jeep sa isa ka balay sa Brgy. Bagumbayan, Guimbal, Iloilo.
Ang driver amo si Allan Caños, 42, residente sang Brgy. Evidente, Igbaras, Iloilo.
Sa interview sang Bombo Radyo kay Police Senior Master Sergeant Joey Lauron, imbestigador sang Guimbal Municipal Police Station, iya ginpahayag nga naghalin ang Jeep sa banwa sang Igbaras, Iloilo kag padulong kuntani sa Iloilo City.
Suno kay Lauron, sang naglabay ini sa taytay sang Guimbal, kag nakakas ang I-beam sang jeep rason nga nadulaan sang control ang driver.
Matapos sini, nakabunggo ang jeep sa balay nga ginapanag-iyahan ni Violeta Gicana.
Gindala naman sa ospital ang mga pilason agud nga madapatan sang nagakaigo nga pagbulong.
Nagpasalig man ang tag-iya sang jeep nga sabton ang mga balayran sa ospital.
