Ginbawian gid sang kabuhi ang anom ka tuig nga bata nga babaye matapos aksidente nga natiruhan sang iya amay sa Victorias City, Negros Occidental.
Santo sa imbestigasyon sang Victorias City Police Station, antes ang insidente, nagainom-inom ang amay nga si alyas Randy, 32, residente sang Barangay 10, kaupod ang abyan.
Ginpagwa sang amay ang isa ka pusil kag ginkuti.
Didto sini napitik ang gatilyo kag naigo gid sang bala ang iya anak.
Ginhingagaw pa nga madala sa ospital ang bata apang wala na matabangan pa.
Wala naman sang plano nga magpasaka sang kaso ang iloy sang bata batok sa amay.
