Aprubado na sang kongreso ang hagna nga Anti-Coronavirus discrimination bill matapos ang 2nd reading.
Paagi sa nasambit nga hagna, mahimo nga mapreso sang tutob 10 ka tuig kag hatagan sang penalidad nga halos P1 milyon ang sinuman nga madakpan nga nagapangyaguta kag nagapangbastos sa mga pasyente nga may Coronavirus Disease 2019.
Sakop man sang nasambit nga hagna ang mga frontliners, migrant workers kag ila nga mga kapamilya.
Lakip sa mga akto nga makonsiderar paglapas sa nasambit nga hagna amo ang pagkapaslaw sang isa ka public official ukon health care worker nga tatapon ang pasyente nga may COVID-19, pagpangbastos, pisikal man verbal ukon psychological; pagpakahuya sa mga pasyente sang COVID-19 lakip man ang mga frontliners kag pagkapaslaw nga kilalahon ang anuman nga kontrata bangud sa nagapadayon nga pandemic.
