ILOILO CITY – Nagapati ang oposisyon nga paagi lang ni Presidente Rodrigo Duterte ang pagtukod sang anti-corruption commission para matabunan ang mga kontrobersiya batok sa iya.
Suno kay Sen. Francis Pangilinan sa interview sang Bombo Radyo Iloilo, gina-divert lang sang Presidente ang atensyon sang publiko agud indi mapadalman ang conspiracy sa Bureau of Customs kun nga-a nakalusot ang P6.4 billion nga shipment sang shabu gikan sa China nga ginakaulamiran sang Davao Group kag ang madamo nga nagkalamatay bangud sa kampanya batok sa iligal nga droga.
Nagapangita lang sang lusot si Duterte suno sa senador sa baylo nga sabton ang isyu.
Dugang pa ni Pangilinan, dako ang duda niya sa nasambit nga komisyon.
Indi man manigar suno sa senador nga posible gintukod ang Anti-Corruption Commission para mangin target sanday Chief Justice Ma. Lourdes Sereno kag si Ombudsman Conchita Carpio-Morales bangud sa pagbusisi sang ginapahayag mga bank accounts ni Presidente Duterte kag sang iya pamilya.