ILOILO CITY – Naglab-ot sa 144 percent ang ginsaka sang operasyon batok sa iligal nga druga umpisa nga nagpungko si Chief Supt. John Bulalacao sa Police Regional Office 6.
Santu sa record, kun ikumparar sa bulan sang Mayo nga may 66 ka mga operations kag 98 ka mga arestado, naglab-ot sa 161 ang anti-drug operations sa bulan sang Hunyo nga nagresulta sa pagkaaresto sang 215 ka mga personalidad.
Suno kay Chief Supt. Bulalacao, pagpadayon ini sang nasuguran nga anti-drug operations kag mangin basehan man ini sang mga performance sang kapulisan.
Kadungan sini liwat nag-apelar sa pumuluyo si Bulalacao nga updan ang kampanya batok sa iligal nga druga kag iban pa nga kriminalidad.