Gin-athag sang isa ka public law expert nga ang pagtinguha sa pag-regulate sa kinamatarong sang political dynasty members para sa public office, pareho sang ginaproponer nga Anti-Political Dynasty Bill, amo ang makatarunganon nga pagdumili sang kahilwayan sang isa ka indibidwal, agud nga mabuhinan ang ‘egoistic’ ukon kaugalingon nga interes sa pagpapili sa eleksyon.
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga sa Under sa idalom sang 1987 nga Konstitusyon, ang mga dinastiya sa politika ginadumilian, apang kinahanglan ang isa ka nagapahanugot nga kasuguan sa pagpatuman sini.
Suno kay Pueblo, makapila ka bes nga pagduso ang ginhimo agud ipasar ang amo nga kasuguan, apang indi ini makatilingala bangud ang Kamara de Representantes kag ang Senado pareho nga ginapamunuan sang mga political dynasties.
Dugang sini nga halos imposible nga makumbinsi ang mga mamalidha nga magpasar sang kasuguan nga magahimo sa madamo sa ila nga mangin indi kwalipikado nga magpadalagan sa pampubliko nga posisyon.
Kon padalman, ang presidente sang pungsod, si Ferdinand “Bongbong” Marcos Jr., ang kabahin sang isa ka dinastiya sa politika. Ang iya utod nga babayi isa ka senador, ang iya anak isa ka kongresista, ang iya pakaisa isa ka Speaker sang Kamara, kag may mga napilian siya nga mga himata sa Ilocos Norte kag Tacloban City.
Ang bise presidente sang pungsod, si Sara Duterte, isa man ka myembro sang political dynasty. Ang iya mga utod amo ang alkalde kag kongresista sang Davao City.
Nahibaluan nga ang mga political dynasty sa pungsod ang ginabasol sa padayon nga underdevelopment sang pungsod.
