ILOILO CITY – Mahimo na nga ma-implementar sang gobyerno ang Anti-Terrorism Law pagkatapos nga gin-affirm na sang Supreme Court ang constitutionality sang kontrobersyal nga layi suno sa Department of Justice (DOJ).
Suno kay Justice Undersecretary Adrian Sugay, bilang pagsulundan, ang pinakataas nga hukom ang indi na magbaton sang ano nga motion may kaangtanan sa mga magapetisyon batuk diri.
Bangud sini, padayon na ang implementasyon sang Anti-Terrorism Act of 2020 kag wala na sang upang agud nga magamit na sang otoridad sa pagdula sang terorismo sa pungsod.
Ginakabalak-an sang mga human rights groups nga mangin mapintas ang amo nga layi kag magpalala lang sang human rights situation sang pungsod.
Ginpahayag naman ni Sugay nga may yara sang mekanismo nga gindesenyo agud nga mapabilin ang due process.
Ginpagwa sang Anti-Terrorism Council (ATC) nga may yara sang 16 ka gina alegar nga underground organization ang Communist Party of the Philippines-New People’s Army (CPP-NPA) kag gin-tag ang 19 ka mga member organization sini nga mga terorista.
