WESTERN VISAYAS – Nagakabalaka ang Commission on Human Rights Region 6 sa tion nga mangin layi na ang Anti-Terrorism Bill.
Nahibaluan nga ang hagna ang pasado na sa senado kag ginahulat na lang ang pirma ni Presidente Rodrigo Duterte agud mangin layi.
Sa interview sang Bombo Radyo kay Atty. Jonnie Dabuco, Director sang Commission on Human Rights Region 6, iya ginpahayag nga ginapamatokan sang ahensya ang terorismo apang base sa probisyon sang hagna, mahimo ini nga maabusohan.
Mahimo suno sa iya nga mapasibangdan ang isa ka tawo nga naga intra sa terorismo kag sa tion nga mapasar ini bilang layi, mangin epektibo pa ang warrantless arrest.
Sa nasambit nga hagna, maapektuhan ang freedom of expression sang mga pumuluyo kag sa panan-awan sang ahensya, ang Anti-Terrorism Bill ang wala naga protekta sa publiko.
Mangin armas pa ang Anti-Terrorism Bill nga ma lapas ang kinamatarong sang tawo pahayag ni Atty. Dabuco.
Sa depinisyon sang terorismo nga nasaad sa nasambit nga hagna dugang sang natungdan, ini ang masangkad kag indi maathag.
