MANILA– Pasado na sa third and final reading sa Kamara ang kontrobersyal nga House Bill 6875 ukon ang Anti-Terrorism Bill.
Ginpasar ini sa plenaryo sa boto nga 173 ang pabor, 31 ang nagkontra, kag 29 ang nag-abstain.
Apisar indi pa ini layi, nagakahangawa ang pila ka sektor kag kongresista, bangud mahimo ini gamitun sang gobyerno para mapahipos ang mga kritiko sini.
May kaangtanan sa nasambit nga hagna, madamo naman ang nagpatigayun sang hublag protesta nga nagapakita sang pagkondenar sa amo nga hagna.
Sa idalom sang amo nga hagna, may gahum ang mga otoridad nga bantayan ang mga ginapatihan nila nga mga terorista,
Mahimo man nga presohon ang mga ginapatihan terorista nga wala sang warrant of Arrest sa sulod sang 14 ka adlaw.
Matandaan nga sadtog Pebrero pa ginpasar sang senado ang kaangay nga hagna, samtang sang damlag lang, ginsertipikahan bilang ‘urgent’ ni Presidente Rodrigo Duterte ang nasambit nga anti-terrorism bill.
