ANTIQUE– Nagapabilin nga mapainubuson si Antique Governor Rhodora Cadiao matapos magdaug sa pagka gobernador batok kay Cong. Exequiel Javier.
Sa interview sang Bombo Radyo kay Cadiao, iya ginpahayag nga tuman ang iya nga pagpasalamat sa mga Antiqueño nga nagboto sa iya.
Ginpahayag ni Cadiao nga ang iya kasumpong ang mabudlay piyerdihon bangud nga ang pamilya Javier ang kilala nga mga pulitiko sa ila lugar.
Magluwas kay Cadiao, halos kalabanan sa iya mga ka-partido ang nagdala-og man sa midterm elections sa diin kabaliskaran naman ang natabo sang 2016 elections.
Nagapakita lamang ini suno sa gobernador nga patas ang tanan sa patag sang pulitika.
Sa subong suno sa natungdan, iya padayunon ang mga proyekto nga naumpisahan na sang nakaligad nga administrasyon.
Ginpahayag man ni Cadiao nga indi na ma-into ang mga botante sa subong bisan pa nga nagapamakal sang boto ang iya kasumpong sa pulitika.
Ginkalipay man niya nga ang kontrobersyal nga 2019 budget sang probinsya sang Antique ang napasar na ugaling naabutan lang sang election banning.
Yari ang reaksyon ni Cadiao sa iya liwat nga pagdaug sa pagka gobernador sang Antique:
Samtang, yari naman ang akusayson ni Cadiao batok sa iya kasumpong sa pulitika:
Handa man si Cadiao sa reconcilation sa pamilya Javier kag sa tanan nga iya nangin kasumpong sa pulitika, yari ang iya nga pagpahayag:
Pamati-an ang pahayag ni Cadiao tuhoy sa update sa 2019 budget sang probinsya sang Antique:
