ILOILO CITY – Nagapati si Antique Governor Rhodora “Dodot” Cadiao nga pamulitika ang rason kun ngaa tubtob subong wala pa napasar ang ila nga 2019 annual budget.
Sa interview sang Bombo Radyo kay Governor Cadiao, iya ginpahayag nga problema sa subong sang provincial government kun sa diin sila makuha sang inug sweldo sa mga job hires bangud wala pa naaprubahan sang Sangguniang Panlalawigan ang masobra P1.4 billion nga proposed budget para sa subong nga tuig.
Suno kay Governor Cadiao, naghingyo siya sang damlag lang sa 1,500 ka mga job hires nga indi na lang anay mag-report sa ila nga trabaho tubtob nga indi masigurado nga mahatagan sila sang ila nga sweldo.
Sa baylo nga mag-untat ang mga nasambit nga empleyado, padayon man sila sa gihapon sa pagtrabaho apisar nga wala sila sang sweldo nga makuha.
Ibalik naman sang Sangguniang Panlalawigan sa gobernador ang proposed budget niya bangud ang mga items niya nga ginbutang ang wala nalakip sa annual investment plan.
