Ginmanduan na ni Antique Governor Rhodora Cadiao ang mga local chief executive nga magpreparar sang burial ground sa ila mga lugar.
Ini matapos nakalab-ot man sa igtalupangod sang local government unit sang Antique ang temporaryo nga pagsuspende sa operasyon sang nagaisahanon nga crematorium facility sa Iloilo City.
Sa interview sang Bombo Radyo kay Governor Cadiao, iya ginpahayag nga plano sang probinsya nga ipalubong na lang 6 feet below the ground, 12 hours matapos napatay ang isa ka pasyente bangud sa COVID-19.
”I met with the Mayors, I instructed them nga engganyuhon na lang ang pamilya sang nagkalamatay nga indi na lang sila magpa-cremate. Time for us to prepare ang amon simple lang nga paglubong. 12 hours after the death, double body bag, kag 6 feet below the ground. Our Mayors are preparing for that para nga indi naman kami makapadala sang amon mga nagtaliwan da sa Iloilo.”
Suno kay Cadiao, magluwas sa mahal ang cremation, ginalikawan man ang pag-alalawas sang bangkay nga ginapadala sa crematorium facility sa syudad.
Magluwas diri, ginpat-od sang gobernadora nga bastante ang COVID-19 facility sang Antique, rason nga gina-engganyo man ang mga pumuluyo nga pakamaayuhon nga indi na magpadulong pa sa syudad agud magpa-admit agud malikawan ang transmission of cases.
