Ginpaidalom sa Blue Alert Status ang Antique kasunod man sang posible kahalitan nga matuga sang Bagyo Leon.
Sa interview sang Bombo Radyo kay Broderick Train, Head sang Antique Provincial Disaster Risk Reduction and Management Office (PDRRMO), iya ginpahayag nga padayon ang ila nga monitoring sa 18 ka mga banwa sang probinsya.
Suno kay Train, kabug-usan nga walo ka mga pamilya ang gin-evacuate bangud sa mga pagbaha kag pagbubo sang mamunog nga ulan.
Sa nasambit nga numero nga gin-wvacuate, apat ka pamilya diri ang naggikan sa Brgy. Walker, San Remigio; duha naman sa Brgy. Magcalon, San Jose, kag duha man ang naghalin sa Brgy. Durog, San Jose.
May na-record man nga landslide sa banwa sang Sibalom, Antique kag nagapabilin nga gina-monitor sang talatapan ang kataason ukon lebel sang tubig sa Sibalom River.
