Nagpaggwa na sang direktiba ang Antique Provincial Disaster Risk Reduction and Management Office (PDRRMO) sa tanan nga kabanwahanan agud makapreparar sa posible pag-igo ni bagyo Lannie.
Sa interview sang Bombo Radyo kay Antique PDRRMO chief Broderick Train, iya ginpahayag nga ginmanduan na nila ang kada local government unit sang Antique nga padulungan ang mga lugar nga prone sa baha ukon pag-landslide.
Ginapahanda kag ginapapreparar man ang mga pumuluyo.
Sa subong suno sa natungdan, gin-abisuhan ang mga sea vessels kag iban pa nga sakayang pandagat nga ipaiway anay ang pagbyahe kasunod sang malain nga lakat sang panahon.
Dugang pa niya, sa pihak sang malain nga panahon, padayon naman ang filing sa certificate of candidacy (COC) sa kada Commission on Elections (Comelec) office sa Antique.
