ILOILO CITY – Ginkilala sang probinsiya sang Antique ang pagka-baganihan sang isa ka suldado nga napatay sa nagapadayon nga kinagamo sa Marawi.
Ini amu si Corporal Argie Camacho Harliga, 25, sang Mapatag, Hamtic, Antique kag assigned sa 20th Marine Company, Marine Battalion Landing Team 10.
Suno kay Antique Gov. Rhodora Cadiao, dalayawon ang ginhimo ni Cpl. Harliga nga paghalad sang iya kabuhi.
Nagpalab-ot man sang simpatya ang gobernador sa lola ni Cpl. Harliga nga si Elvira Camacho Harliga nga amu ang nagpadako sa suldado.
Ginpasalamatan naman ni Antique Rep. Paolo S. Javier si Cpl. Harliga sa kaisog sini.
Si Harliga ang ika-duha nga Antiqueno nga napatay sa engkuwentro sa Marawi City kun sa diin ang una amu si Sergeant Chris Lorenzo, 28, sang Barangay Camansihan, Culasi, Antique.