Gintukod ang isa ka tracker team agud nga pangitaon kag anum ka dismissed policemen nga ginatudlo nga may kahilabtanan sa pagpangawat sa balay sang isa ka retired teacher sa Imus, Cavite.
Suno kay Col. Geovanny Sibalo, chief sang Criminal Investigation and Detection Group-CALABARZON, ang nagabug-os sa team nga maga-ayam sa mga suspek amo ang mga katapo sang CIDG sa pagpanguna ni Lt. Col. Mark Jason Gatdula.
Gintukod ini nga tracker team matapos wala ginsapak sang anum ang panawagan sang National Police Commission (Napolcom) nga magsungka na lang sa anuman nga law enforcement unit.
Gindugang naman sang CIDG nga dapat tahuron sang anum ka mga pulis ang order sang korte agud nga magamit nila ang ila nga constitutional right to due process.
Nahibaluan nga ginpangalanan man sang PNP ang mga gina-alegar kawatan nga amo sanday dismissed staff sergeants Jesus Alday, Julius Barbon kag Emil Buna; corporals Jenerald Cadiang kag Lew Amando Antonio, kag patrolmen Reymel Czar Reyes kag Rene Mendoza sang Imus police.
