Iban sa aton ang nakulbaan magbyahe nga naga-isahanon, apang ano pa gid abi kun naglakat ka nga isahanon apang nagtupa ka sa lain nga destinasyon?
Imagine pa gid kun matabo ini sa imo samtang ikaw naga-edad pa lamang sang anum ka tuig.
Napuno subong sang reklamo ang Spirit Airlines sa Estados Unidos sang Amerika matapos sini nabutang ang isa ka anum ka tuig nga bata nga lalaki sa lain nga flight — buot silingon, wala man ini nakaabot sa iya kuntani kadtuan nga syudad.
Wala sang kaupod ang amo nga bata sang siya ang nagbyahe apang naka-arrange na ang pagbisita sini sa iya Lola.
Ang plano: mahalin siya sa Philadelphia International Airport kag mahugpa ang eroplano sa Southwest Florida International Airport sa Fort Myers, apang sa baylo sina, napasakay siya sa eroplano nga pakadto sa estado sang Orlando.
Imagine nga natabo ini sa bata sa tunga mismo sang record-breaking holiday travel surge ukon nagadinaguso ang mga tawo.
Nagpangayo nman sang pasaylo ang airlines kag nagsiling nga gintatap gid sang ila mga personnel ang bata sa bilog sini nga flight apisar nga nakakadto ini sa 160 miles northwest sang iya kuntani original nga destinasyon.
May ginapatigayon naman subong nga international investigation kasunod sang amo nga hitabo.#
