ILOILO CITY – Kalabanan sa aton, indi pa makasolbar sang 3x3x3 Rubik’s cube.
Apang sa China, isa ka anum ka tuig nga bata nga babayi ang naka-set sang panibag-o nga record matapos na-solve sini ang Rubik’s cube sa sulod lamang sang 5.97 seconds sa World Cube Association Rubik’s Cube International Open sa Singapore.
Si Qixian nga nagikan sa Jiangsu Province ang nagsugod sa paghampang sang Rubik’s cube sang siya ang tatlo pa lamang ka tuig nga na-inspire sa iya pakaisa nga nagtudlo sa iya sang ‘speed-cubing’.
Nag-enjoy siya sa speed-solving sang Rubik’s cube kag naga-practice sang duha tubtob tatlo ka oras kada adlaw.
Naglab-ot man sa punto nga halos mag-give up na ini bangud nga nag-stuck lamang sa 12 seconds ang makaya niya sang gin-attempt niya ang 10 seconds sa sulod sang tatlo ka bulan.
Agud nga ma-motivate ini, nag-intra sa Rubik’s cube speed-cubing ang bilog niya nga pamilya kag nagpasakop sa mga adult competitions.
Sa subong, si Qixian ang nagakapot sang world record apisar sang tuman ka bata nga edad.
