ILOILO CITY – Naglab-ot sa 37 ka pamilya ang gin-evacuate bangud sa pagbaha sa syudad sang Iloilo.
Santo sa record sang City Disaster Risk Reduction and Management Office as of October 26, apat ka mga barangay sa distrito sang Jaro ang may yara sang evacuees nga ginalakipan sang siyam ka pamilya sa Simon Ledesma, 14 sa Cubay, 8 sa Democracia kag 6 sa Tabuc Suba.
Sa interview sang Bombo Radyo kay Darwin Papa, Operations Officer sang CDRRMO, iya ginpahayag nga kaina sang aga, nakapauli na sa ila balay ang evacuees gikan sa Brgy. Tabuc Suba kag Brgy. Democracia samtang may nagdugang naman nga isa ka pamilya gikan sa Brgy. San Roque.
Suno kay Papa, mahimo naman nga makapauli sa ila balay ang evacuees sa tion nga magnubo na ang lebel sang tubig-baha.
Ginpahayag ni Papa nga santo sa pinaka-latest data, naglab-ot sa 27 ka pamilya ang nagapabilin sa evacuation centers sang tagsa ka barangay.
