Nagdangat na sa 62 ang nakumpirma nga numero sang mga napatay sa paglugdang sang roll-on roll-off (RoRo) vessel nga MV Trisha Kerstin 3 sa Basilan sang Enero 26.
Ini matapos naka-recover ang Philippine Coast Guard (PCG) technical divers sang apat ka dugang nga mga bangkay sa ila nga underwater operations subong nga adlaw, Pebrero 17.
Magluwas diri, may 17 pa nga nagapabilin nga missing. 293 naman ang nauna na nga gin-anunsyo nga survivors.
“The PCG emphasizes that these figures are consolidated through the joint validation efforts of the Philippine National Police-Scene of the Crime Operatives (PNP-SOCO), City Disaster Risk Reduction and Management Office (CDRRMO), Coast Guard District Southwestern Mindanao (CGDSWM), and the affected families who conduct daily coordination with interagency search and rescue authorities,” suno sa PCG.
Matandaan nga halin ang barko sa Port of Zamboanga City sang Enero 25 sang gab-i kag pakadto kuntani sa Jolo, Sulu apang naglugdang samtang yara ini sa kadagatan nga sakop sang Basilan sang Enero 26 sang kaagahon.
Una na nga ginpahayag sang Department of Transportation (DOTr) nga posible nga overloading ang rason sang trahedya.
Sa amo nga insidente, duha ka mga Ilonggo seafarers ang nakaluwas.#
