Gin-report sang Department of Agriculture nga apat ka mga kumpaniya ang nagpahayag sang interes nga mag-suplay sang bakuna sa Pilipinas batok sa African swine fever (ASF).
Suno kay Agriculture Assistant Secretary Constante Palabrica, naka-base ini nga mga kumpaniya sa United States, South Korea, Vietnam kag Thailand kag gina-evaluate na subong ang ila aplikasyon para sa safety kag agud matumod kun ano ini ka-epektibo.
Wala pa sang ginpaguwa nga petsa kun san-o magaguwa ang resulta sang evaulation apang ginpahayag sang DA official nga nagahalong gid ang Bureau of Animal Industry (BAI) kag Food and Drug Administration sa pag-apruba sa ASF vaccines bangud sa kahangawa kun santo man ang epekto sini sa kataason sang presyo.
Base sa industry stakeholders, ang ASF vaccines subong nga nagabili sang P400-P600 per dose ang tuman gid ka mahal para sa madamo nga hog raisers.
Ginalantaw man sang DA nga ikonsiderar ang paghatag sang subsidiya sa backyard raisers apang depende pa sa available nga government funds bangud binilyon ka pesos naman ang nagasto sang gobyerno para sa hog repopulation.
Nahibaluan nga base sa rekord sang BAI (as of August 8), yara na sa 11 ka mga rehiyon, 22 ka mga probinsya, kag 66 ka banwa ang na-infect sang ASF sa Pilipinas.
