Nakabaton sang P100, 000 nga cash gift halin sa Gobyerno ang apat ka mga Aeta centenarian sa Capas, Tarlac.
Ginpangunahan sang National Commission of Senior Citizens (NCSC) ang paghatag sang P100, 000 nga cash gift, lakip na diri ang paghatag man sang cake kag mensahe halin kay President Ferdinand Marcos Jr.
Kasunod ini sa mandato sang Republic Act No. 10868, ukon ang Centenarians Act of 2016 nga nagahatag sang suporta sa mga Pilipino nga naga-abot sa 100 anyos ukon masobra pa diri ang edad.
Nahibaluan nga sang una nag-ani sang nagkalain-lain nga kritisismo ang amo nga programa bangud sa pagka-delay sa paghatag sini sa mga benepisyaryo.
Ini man ang nangin rason sa pag-coordinate sa tunga sang National Commission of Senior Citizens kag Department of Social Welfare and Development (DSWD).
Base sa report sang ahensya, humalin Disyembre 31, 2025 tubtob subong, nakahatag na ang National Commission of Senior Citizens (NCSC) sang masobra sa P2.8 bilyon, ukon 96 % nga gin-alokar nga pondo para sa nasambit nga programa.
