ILOILO CITY – Apat ka mga banwa sa probinsya sang Iloilo ang apektado sang oil spill kasunod sang paglupok sang power barge sang AC Energy sa Bo. Obrero, Lapuz, Iloilo City.
Sa interview sang Bombo Radyo kay Dr. Jerry Bionat, pinuno sang Provincial Disaster Risk Reduction and Management Office, iya ginpahayag nga ang mga banwa nga apektado amo ang Leganes, Zarraga, Dumangas kag Oton.
Santo sa report suno kay Bionat, ang pinaka-apektado amo ang banwa sang Dumangas kun sa diin ginabanta nga 370 ka pamilya ang apektado kag madamo ang nadulaan sang palangabuhian.
May kaangtanan diri, minimal naman ang halit sa banwa sang Oton kun sa diin ang nagtagas nga langis ang makita lamang sa baybayon nga sakop sang Poblacion South.
Kadungan sini, ginpahayag sang natungdan nga ginahulat pa niya ang final report sang tagsa ka Local Government Unit agud nga mismo si Gov. Arthur Defensor Jr. na ang magpasa sini sa AC Energy para sa nagakaigo nga lihok.
Sa subong, ginpahayag ni Bionat nga wala pa nakapakig-angot ang AC Energy sa Iloilo Provincial Government.
