Arestado ang apat ka mga persona sa ginpatigayon nga buy-bust operation sa Brgy. Boulevard, Molo, Iloilo City.
Ang mga subject amo sanday Miljohn Villanueva Naya, 30-anyos, Mark Lopez, 32-anyos, Rene Parcia, 24-anyos, kag Georcel Lobaton, 56-anyos sang San Isidro La Paz.
Sa interview sang Bombo Radyo kay Punong Barangay John Villanueva sang Boulevard, Molo, iya ginpahayag nga kinahanglan nga atubangon sang mga subject ang ila ginhimo nga kasal-anan.
Suno kay Villanueva, anay na nga nag-ako ang isa ka subject nga nagagamit ini sang iligal nga droga, apang, ang iban ang ginapanginwala ang akusasyon.
Gin-athag man sini nga indi mahimo nga magpatigayon sang buy-bust ang kapulisan kon wala sang may nagkatabo nga baligya-anay ukon paggamit sang iligal nga druga.
Nakuha sang otoridad sa apat ka mga subject ang 11 ka sachets sang suspected shabu nga nagabalor sang P256,000.
