Naaresto ang apat ka mga lalaki nga Indian kag Nepalese national matapos gin-report naggamit sang curry spices powder bilang armas sa pagpangawat sa Yoshikawa, Saitama Prefecture
Suno sa otoridad sang Saitama, apat ka mga lalaki halin saIndia kag Nepal ang nagpalapit sa 52-anyos nga biktima.
Sa baylo nga kutsilyo ukon pusil, gin-usar sang mga suspek ang curry spice powder kag ginsabwag ini sa nawong kag mata sang biktima agud nga temporaryo siya nga indi makakita.
Apang, wala nagpapyerdi ang biktima kag maisog nga nagbto sa mga suspek, kag wala gid niya ginbuy-an ang iya bag.
Gindala sa ospital ang biktima para sa nagakaigo nga pagbulong sa nagahabok sini nga mata.
Sa bulig sang mga CCTV footage, naaresto na sang Saitama Prefectural Police ang apat nga suspek sa natabo nga insidente, ginkasuhan sila sang assault attempted robbery.
