Nagtinapungulay ang apat ka mga lalaki sa isa ka balay ilimnan sa Taft North Mandurriao, Iloilo City.
Ang mga lalaki amo sanday Erick Patarilan, 44 anyos, taga Dungon B Mandurriao kag kaupod sini nga si Richard Nobiazo, 46 anyos sang Alalasan Lapuz, Iloilo City samtang ang duha naman ang lunsay mag utod nga sanday Jerry kag Rex Villalobos.
Sa interview sang Bombo Radyo kay Jerry, iya ginpahayag nga nag ugat ang pagtinapungulay nila bangud nagpalapit sanday Patarilan kag Nobiazo sa ila nga lamesa kag ginsugo ang mag utod nga magbakal sang makahulubog nga ilimnon kag gintanyagan pa sang P1,000 .
Ginkakibot lamang sang mag utod ang nangin lihok sang duha bangud indi man nila ini kilala.
Napikon ang mag utod bangud sa paggarit-garit sa ila nanday Patarilan kag Nobiazo rason nga sila nga apat ang nag-ilinaway.
Naghabok naman ang bibig ni Patarilan kag nakaangkon sang pilas sa kamot si Jerry.
Gilayon naman nga gindala sa Mandurriao Police Station ang mga lalaki.
