Nadakpan ang duha ka menor de edad matapos ginpahayag nga nangawat sa Iloilo Central Market kahapon sang hapon, Oktubre 17.
Ang nadakpan nga mga menor ang naga-edad sang 14-anoys kag 15-anyos.
Sa interview sang Bombo Radyo Iloilo kay Boy Adorio, sergeant-at-arms sang Iloilo Central Market Vendors Association, apat ka kabataan ang ginatudlo nga nangawat sang mga frozen foods kag mga relief goods.
Apang, duha lamang sa ila ang nadakpan bangud nakapalagyo ang duha.
Suno kay Adorio, nagareklamo ang mga vendors bangud may mga menor nga nagasulod sa ila mga pwesto kag nagapangbungkal ang mgakon gab-i.
Pahayag man niya nga makapila na ka beses nga nagakatabo ang pagpangawat sa sulod sang nasambit nga mercado.
Nahibaluan nga epektibo Setyembre 19, ginadumilian ang mga menor de edad nga magsulod sa Central Market halin alas-9 sang gab-i tubtob alas-4 sang kaagahon, suno sa patakaran sang Local Economic Enterprise Office (LEEO).
Apang, suno kay Adorio, may posibilidad nga nagapanago ang mga kabataan sa sulod sang merkado agud makalikaw sa pagbantay.
Ginpahayag man niya nga ang mga menor de edad nga nadakpan ang bag-o lang nakagwa sa balay dalayunan kag ginapahayag taga-Gate 1 Muelle Loney, City Proper.
Sa karun, gindala na ang mga ini sa police station.
