ILOILO CITY – Apat ka dugang nga COVID-19 cases ang na record sa Brgy. Balabago, Jaro, Iloilo City.
Sa interview sang Bombo Radyo kay Punong Barangay Edgar Arañador, iya ginpahayag nga ang apat ka nagdugang ang na record as of October 10 kun sa diin tatlo ang naka strict home quarantine samtang isa naman ang nagpaadmit sa hospital.
Sang nakaligad nga inadlaw, may senior citizen nga gina-dialysis ang nagpaadmit sa hospital matapos nagpositibo sa COVID-19 samtang ang iya nga driver ang nagapaidalom sa strict home quarantine.
Ginpahayag ni Arañador nga padayon sa subong ang contact tracing kag kalabanan sa mga ginkuhaan sang swab sample para sa COVID-19 test ang nagnegatibo na sa virus samtang ginahulat naman ang resulta sang iban pa.
