Gin-report sang Philippine National Police (PNP) nga may apat nga napatay kag masobra 500 ang nasamaran bangud sa firecracker-related incidents kag indiscriminate firing samtang nagasug-alaw sang tuig 2024.
Base ini sa natipon nga datos sa lain-lain nga mga rehiyon halin sang Disyembre 16 tubtub Enero 1.
Suno kay PNP spokesperson Col. Jean Fajardo, duha ang napatay bangud sa sunog sa residential area bangud sa paggamit sang firecrackers; isa ang napatay direkta bangud sa pagpalupok; kag isa naman ang napatay bangud sa indiscriminate firing.
Magluwas diri, ginabanta P3.7-million nga balor sang firecrackers kag pyrotechnic materials ang nakumpiskar sang otoridad.
Bangud sa sini nga iligal nga mga palupok, may 26 na nga arestado.
Narekord man sang pulis ang 13 ka mga insidente sang illegal discharge of firearms kun sa diin dakop tanan ang 13 ka mga suspek kag na-recover ang walo ka mga armas.
Isa sa nangin responsable sa illegal discharge of firearms amo ang isa ka pulis sa Zamboanga nga hubog sang amo nga tion kag subong naka-kustodiya na kag mangatubang sang kaso-kriminal kag kaso-administratibo.
