Patay ang apat ka mga indibidwal matapo ginlamon sang kalayo ang pila ka mga high-rise towers sang residential complex sa northern Tai Po district sa Hong Kong subong nga Miyerkules, Nov 26.
Suno sa Fire Service Department, nakabaton sila sang report tuhoy sa sunog sa bahin sang Wang Fuk Court sa Tai Po takna 2:51 p.m. (0651 GMT).
Ginpasaka ini sa No. 4 alarm, pangaduha sa pinakamataas nga alarm level takna 3:34 p.m.
Isa ka housing complex ang Wang Fuk Court nga ginabug-usan sang walo ka blocks kag yara sa 2,000 ka residential units.
Wala pa sang uyat nga numero ang fire department tuhoy sa numero sang mga tawo nga possible nabilin sa sulod sang residential complex.
