Naglab-ot sa 52 ka mga balay ang apektado sang sunog kun sa diin 48 diri ang totally damaged kag 4 naman ang partially damaged.
Ini matapos ang nagluntad nga sunog sa Brgy. Benedicto, Jaro, hapon sang Pebrero 16.
Base sa impormasyon, kalabanan sa mga residente ang wala na nakasalbar sang ila nga mga gamit bangud sa madasig nga paglapta sang kalayo.
Sa interview sang Bombo Radyo kay Kagawad Ronie Prusia sang Brgy. Benedicto kag isa sa mga nasunugan, iya ginpahayag nga ido lang nila ang iya nasalbar.
Ini matapos nga kalabanan sa mga balay amo ang human sa mga light materials kag naga-ililingud lang ang mga ini rason man sa dayun nga paglapta sang sunog.
Suno pa kay Prusia, gintinguhaan pa niya nga patyon ang kalayo sa ila nga chapel gamit ang fire extinguisher, apang wala gid ini napalong.
Dugang pa niya, temporaryo sila nga magatinir sa iya nga utod matapos nga nasunog ang ila balay.
