Nagsaka sa indi magnubo sa 40 ka pamilya ang naapektuhan sang habagat sa Barangay Baybay Norte, Miagao, Iloilo.
Sa interview sang Bombo Radyo kay Punong Barangay Efren Balsicas Jr., iya ginpahayag nga temporaryo nga ginsaylo sa evacuation center ang pamilya nga apektado.
Suno kay Balsicas, bangud sa mataas kag mabaskog nga paghampak sang balod sa mga balay sang pumuluyo nga nagaistar sa kilid mismo sang baybayon, madamo sang nagkalaguba kag nagkalawasak nga porsyon sang mga puluy-an.
Pahayag sang opisyal, padayon sila nga nagahulat sang bulig nagikan sa gobyerno sa diin una naman nga nagpadala sang ayuda ang Department of Social and Welfare Development (DSWD).
Matandaan nga as of July 24, nakarekord ang Municipal Disaster Risk Reduction and Management Office sang Miagao, Iloilo sang 801 tanan ka mga indibidwal nagikan sa mga coastal barangay sang amo nga banwa nga apektado sang habagat.
