Naglab-ot sa 38,659 ka mga pamilya ang naapektohan sang halit nga dala ni Bagyong Kristine sa Western Visayas.
Sa interview sang Bombo Radyo kay Raul Fernandez, Regional Director sang Office of the Civil Defense Region 6, iya ginpahayag nga sa nasambit nga numero sang mga pamilya nga apektado, ginakabug-usan ini sang 161,283 ka mga indibidwal.
Suno kay Fernandez, yara sa 1,319 ka mga pamilya ang yara pa subong sa evacuation centers kon sa diin, ginakabug-usan ini sang 4,633 ka mga indibidwal.
Ginpahayag man sang natungdan nga malapit sa P19 million ang natuga nga kahalitan ukon production loss sang Bagyo Kristine sa sector sang agrikultura sa Western Visayas.
Ginakabig man sang talatapan nga ‘less destructive’ ang Bagyo Kristine kon ikumpara sa iban nga mga bagyo ilabi na nga wala man ini nagtupa mismo sa kadutaan sa rehiyon.
